[center][size=21][color:c89f=#000000]°•.♥.•° نآآمــي على صدري و ضميــنــي °•.♥.•°
قـصـيـدهـ مـرت عـلـي .. ورآقـت لـي كـثـيراً .. للشآعـر [فيصـل العتيبي] .. أبو عبيـر ..
يابنـت يكفـي دخيلـك لاتبوسينـي
خلاص يكفي ترى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة
نامي على صدر ابوك وحيل ضمينـي
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا "نـورة"
ولاهي غريبة علـى مثلـك تحبينـي
لاني أحبـك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة
أهديت غيرك كلام رويشد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشة .. عنيدة .. وكتكوتة . وشطورة
أن جيت اريّح وانام الليـل توذينـي
متسلطنة تضرب الجـدران بالكـورة
تلعب على عينـي الكـورة تورينـي
والله ولا سامـي الجابـر وجمهـورة
واليا بكت تنقلـب عنـدي موازينـي
دنياي من دمعها وأن سال مذعـورة
كن الـزلازل بصـدري والبراكينـي
قامت تفجر وكـن الـروح مخطـورة
واليا ضحكت قلت أنا بالسوق بيعينـي
لو كان سعري ثلاث ريـال معـذورة
والله ما أحسد على ضحكك سلاطينـي
اموالهم في بنوك جنيـف محشـورة
انتي حياتي وعمري شمعـة سنينـي
ودي اشوفك اليـا شيّبـت دكتـورة
ادواي لاجيت لك تعبـاااان ضمينـي
الوصفة اللي تـرد الـروح "عبـورة" [/color][/size][/center]